Shvetsariya professori Attila Mayor TTA Urganch filialida!

2017 yilning 27 – sentabr sanasida Shvetsariyaning Frayburg universiteti professori, Frayburg kantonal shifoxonasi xirurg

shifokori Attila Mayor tashrif buyurdi. Shifokor Mayor ginekologiya – laporaskopiya  sohasida 30 yillik tajribaga ega bo’lib, jahonning ko’plab davlatlarida operatsiyalar o'tkazgan, o’z ma'ruzalari bilan ishtirok qilgan olim sanaladi.

 

Bugungi kunda TTA Urganch filiali hamda Xorazm viloyat sog'liqni saqlash boshqarmasi taniqli va tajribali shifokor Attila Mayor bilan hamkorlikda Xorazm viloyat perinatal markazida katta loyihalarni amalga oshirishlari kutilayapti. Filialda shifokor Attila Mayor ishtirokida o’tkazilgan seminarda talabalar va shifokorlar Shvetsariyada qisqa muddatli malaka oshirishlari, yangi tibbiyot texnologiyalarni Orol bo`yi mintaqasida tadbiq qilish masalalariga alohida e’tibor qaratildi.

 

Mahoratli shifokor Attila Mayor Xorazm viloyatidagi bir nechta shifoxonalarda ko’plab ginekologik yo’nalishda operatsiyalarni muvaffaqiyatli amalga oshirdi.  Mehmon Attila Mayor mahalliy shifokorlar, talabalar va filial professor-o’qituvchilari bilan samimiy muloqotda bo’lib, o’z tajibalarini o’rtoqlashdilar.