TTA Urganch filiali talabalari “Ko’zi ojizlar” jamiyatiga hayriya qilishdi

2020-yilning 4-may sanasida TTA Urganch filiali talabalari Xorazm viloyati Urganch shahrida joylashgan “Ko’zi ojizlar” jamiyatiga hayriya qilish maqsadida tashrif buyurishdi.

 

Hayriyadan asosiy maqsad Ramazon oyida barchaga ezgulik, mehr-muruvvat ulashish hamda barchani savobli amallarni bajarishga undashdan iborat bo’ldi. Filial TTJ (talabalar turar joyi) da istiqomat qiluvchi talabalarning barchasi bir bo’lib, moddiy va ma’naviy yordam tariqasida o’zlarining shaxsiy jamg’armasidan 2 million so’mdan ortiq pul ajratib, kiyim-kechak va oziq-ovqat mahsulotlarini xarid qilib, jamiyat a’zolarini xushnud etishdi.  

 

O’zbekiston “Ko’zi ojizlar” jamiyati Urganch shahar bo’linmasi raisi Erkin Ro’ziboyev Ramazon oyida bunday xayrli ishga qo’l urgan barcha talabalarga hamda filial rahbariyatiga o’zining minnatdorchiligi hamda samimiyatini bildirdi.

 

Kim qanday niyatda ezgu ishga hissa qo’shgan ekan Alloh o’zi har kimni niyatiga yetkazsin!


photo-2020-05-05-18-37-26


photo-2020-05-05-18-37-27-2


photo-2020-05-05-18-37-28

TTA Urganch filiali matbuot xizmati