Filial yangiliklari

Filial Kengashi kun tartibida “Toshkent tibbiyot akademiyasi Urganch filialining 2021-2022 o‘quv yili yakunlari va yangi o‘quv yilidagi vazifalari” to‘g‘risida filial direktori R.Y. Ruzibayev, “Yakuniy Davlat Attestasiyasi natijalari” to‘g‘risida fakultet dekanlari O.O. Masharipov, Sh.A. Sapayeva, R.K. Satliqov hisoboti, “Rossiya Federatsiyasiga xizmat safari” to‘g‘risida Yuqumli kasalliklar va ftiziatriya kafedrasi mudiri Sh.R. Yusupov, “Nomli davlat stependiyalarga nomzodlarni tavsiya qilish” yuzasidan Iqtidorli talabalarning ilmiy-tadqiqot faoliyatini tashkil etish sektori bo‘lim boshlig‘i M.Y. Yusupova, “Filial Axborot resurs markazining yillik hisoboti” ARM direktori Sh.J. Sultonova hisobot va ma’lumotlari hamda turli masalalar ko‘rib chiqildi.

TTA Urganch filialida tahsil olayotgan barcha yoshlarni va Sizlar orqali butun mamlakatimiz yoshlarini 30-iyun – Yoshlar kuni bilan chin qalbimdan samimiy tabriklayman. Bu – tashabbuskor, iste’dodli, bilimga chanqoq, izlanuvchan, mas’uliyatli, sog‘lom, barkamol yoshlarning bayramidir.Ushbu qutlug‘ ayyomda men yoshlik inson umrining naqadar go‘zal va beg‘ubor fasli, ulkan orzu-umidlar, beqiyos imkoniyatlar davri ekanini yanada chuqur his qilib, navqiron yosh avlodga eng ezgu tilaklarimni izhor etaman.

2022-yil 29-iyun kuni TTA Urganch filialida “TTA Urganch filiali qabul kvotalari va to‘lov kontraktlari bo‘yicha xotin-qizlarga berilgan imtiyoz” mavzusida matbuot anjumani o‘tkazildi.

Unda TTA Urganch filiali Qabul komissiyasi mas’ul kotibi B.S. Rahimov, Talabalarni o‘qishini ko‘chirish va qayta tiklash bo‘yicha filial komissiyasi mas’ul kotibi Sh.A. Sapayeva, tyutorlar, talabalar, abituriyentlar va OAV vakillari hamda bloger Rajabov Elyor ishtirok etishdi.

Toshkent tibbiyot akademiyasi Urganch filialida 30-iyun – “Yoshlar kuni” munosabati bilan 2022-yil 28-iyun kuni Yoshlar ittifoqi filial boshlang‘ich tashkiloti bilan hamkorlikda Magistratura mutaxassisligi va Bakalavr yo‘nalishi bitiruvchilarining tantanali “Bitiruvchi – 2022” tadbiri hamda Bakalavr bitiruvchilarining “Shifokorlikka qasamyod” marosimi o‘tkazildi.

 2022-yilning 29-iyun kuni TTA Urganch filialiga Amerika Qo‘shma shtatlaridan embriolog olim Inger Brift Karlsen hamda Dubay shahrida yashovchi asli hindistonlik bo‘lgan “Invoscience” kompaniyasi menejeri Axamed Presli filial talabalari va shifokorlarga ma’ruza o‘qish maqsadida tashrif buyurdi.

 Unda filial“Akusherlik va ginekologiya” kafedrasi professor-o‘qituvchilari, tuman tibbiyot birlashmalari akusher-ginekologlari, hindistonlik, pokistonlik talabalar, klinik ordinatorlar, magistrlar ishtirok etishdi.

 Mehmonlarning ma’ruzalari asosan “Bepushtlikda intrakorporal urug‘lantirish” mavzusi yuzasidan yangi texnologiyalarni tushuntirishga bag‘ishlandi. Bunda spermatozoid bilan urug‘ hujayra urug‘lantirilib, maxsus konteynerda qinga joylashtirilishi va 5 kun davomida saqlanishi, shundan keyin homila olinib bachadonga qo‘yilishi to‘g‘risida batafsil to‘xtalib o‘tildi.

Tadbir davomida Shveytsariyalik t.f.d., professor Attila Luiz Mayor ham ishtirok etib “Intrakorporal urug‘lantirish” mavzusida ma’ruza qildi.

2022-yilning 27-iyun kuni Urganch shahridagi “Xorazm hududiy elektr tarmoqlari” AJ zalida “Yuksalish” umummilliy harakati Xorazm viloyati bo‘linmasi tomonidan “O‘zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida”gi Konstitusiyaviy qonuni loyihasi yuzasidan “Mening konstitutsiyam” shiori ostida jamoatchilik muhokamasi tashkil qilindi.

Yig‘ilishda Urganch shahar hokimi O.M. Xolboyev, Oliy Majlis Qonunchilik palatasi deputati K.K. Jumaniyozov, Xorazm viloyati xotin-qizlar tadbirkorlik markazi rahbari, Oliy Majlis senati a’zosi S.F. Aminovna, “Yuksalish” umumilliy harakati viloyat bo‘linmasi rahbari S.S. Abdukarimova, TTA Urganch filiali direktori R.Y. Ruzibayev, Mahalla va Nuroniylarni qo‘llab-quvvatlash boshqarmasi boshlig‘i o‘rinbosari, Nuroniy jamg‘armasining viloyat bo‘limi raisi M.Jumaniyozov, viloyat adliya boshqarmasi bo‘lim boshlig‘i I.B. Nazarovlar ishtirok etdilar.

2022-yilning 27-iyun kuni TTA Urganch filiali direktori “Davolash” fakultetining barcha 1-bosqich talabalari bilan uchrashuv o‘tkazdi.

Uchrashuv davomida talabalarga o‘quv yilining yakunlanayotganligi munosabati bilan imtihon jarayonlarining boshlanganligi va imtihonlar shaffof, korrupsiyadan holi tarzda olib borilishi ta’minlanishi xususida to‘xtalib, o‘qishni ko‘chirish masalalari borasida qilingan yangi o‘zgarishlar to‘g‘risida batafsil tushuntirishlar berib o‘tdi.

2022-yilning 27-iyun kuni “O‘zbekiston Respublikasining Konstitusiyasiga o‘zgartish va qo‘shimchalar kiritish to‘g‘risida” gi O‘zbekiston Respublikasining Konstitusiyaviy qonun loyihasining muhokamasiga bag‘ishlab o‘tkazilgan onlayn formatdagi yig‘ilishda TTA Urganch filiali direktori R.Y. Ruzibayev boshchiligida direktor o‘rinbosarlari, dekan va dekan o‘rinbosarlari, kafedra mudirlari, yoshlar va ma’naviy-ma’rifiy ishlar bo‘limi boshliqlari ishtirok etishdi.